Información de Interese Moaña

Festas:

Como en moitas outras vilas costeiras, o 16 de xullo, é a festa patronal, adicada á Virxe do Carme.

O 11 de novembro, na parroquia de Moaña, o san Martiño, os Milagres, tamén en Moaña, o 13 de setembro e a santa Olalla o 10 decembro en Meira.

Son varias as romarías que se celebran neste concello. As de orixe relixiosa son a de san Lourenzo, o 10 de agosto, en Domaio-San Lourenzo, e a da Virxe dos Remedios nos primeiros días de abril en Tirán.

Outros festexos, pero xa cun marcado carácter gastronómico, son os de Bronlle, onde se proba o cordeiro ao espeto, e a Festa do Naseiro, na que se comen produtos do mar.

Entre as citas de índole cultural cómpre salientar o Festival Intercéltico do Morrazo que ten lugar a finais de xullo.