O Tempo en Galicia

O martes Galicia continuará na influencia das baixas presións coa chegada dunha fronte á noite. Así, predominarán as nubes baixas durante toda a xornada, con orballos na metade oeste e apertura de tímidos claros no norte e leste da Comunidade. E pola noite chegará a fronte que deixará chuvias de oeste a leste. As temperaturas mínimas experimentarán un notable ascenso, quedando unha xornada de moi pouca oscilación térmica. O vento soprará do suroeste, con intervalos fortes no litoral das provincias da Coruña e Lugo e quedará do noroeste despois do paso da fronte.