Móvete se queres adelgazar

Tentar adelgazar dende o sofá é cómodo pero pouco efectivo. Por moi equilibrada que sexa a túa dieta se non a axudas cun pouco exercicio non funcionará. Seguro que ao principio che funciona e baixas de peso, pero en canto o organismo se acostuma á dieta, vólvese aforrador, e ou te moves para conseguir adelgazar e activar o metabolismo, ou a perda de peso será moito máis lenta.

Que exercicio facer para conseguir adelgazar

Hai dous tipos de exercicio que debes incorporar ás túas rutinas:

O exercicio aeróbico, axúdache a coller fondo e desenrola a túa capacidade pulmonar. Se o fas con intensidade,queimarás bastantes calorías. Os exercicios deste tipo son pasear, correr, saltar á corda, nadar, andar en bicicleta e os máis divertidos bailar e o sexo. Non me digas que practicar exercicio aeróbico 20-30 minutos ao día é tan complicado!

O outro grupo son os exercicios de tonificación muscular, son fundamentais para que os teus músculos se manteñan tersos e a pel estea firme. Xa sabes que se fas dieta e perdes bastantes quilos corres ese perigo. Non fai falta que vaias ao ximnasio nin que te machuques moito, segue esta táboa de tonificación todos os días 5-10 minutos e verás que bos resultado obtés.

Outros beneficios de facer exercicio

O exercicio é fundamental para o mantemento e a mellora da saúde, prevén enfermidades, prolonga a calidade de vida e é unha gran axuda para o benestar mental. É unha das formas máis baratas de investir en saúde. Fai exercicio e conseguirás:

Beneficios fisiolóxicos

• Reduce o risco de padecer varios tipos de enfermidades como diabetes, cancro de colon, enfermidades cardiovasculares e axúdache a manter baixo control a presión arterial.

• Aumenta a densidade ósea, fortalece os ósos e afasta a osteoporose.

• Fortalece os músculos e mellora a túa capacidade para facer esforzos físicos sen fatiga.

• Afasta a obesidade e todas as patoloxías asociadas.

• Diminúe a frecuencia cardíaca en repouso.

• Aumenta a túa forza, axilidade e elasticidade.

• Regula o estrinximento provocado polo sedentarismo.

Beneficios psicolóxicos

• Mellora o teu estado de ánimo.

• Mellora a xestión da tensión.

• Aumenta a túa autoestima e motivación.

• Reduce a ansiedade.

• Mellora a calidade do sono e reduce o insomnio.

• Xera endorfinas e sénteste máis feliz.

• Ademais aumenta o nivel de dopamina e serotonina, por iso a actividade física engancha.

Beneficios sociais

• Fomenta a sociabilidade.

• Aumenta o grao de autoestima, o que beneficia a túa vida social.

• Estimula a participación e o traballo en grupo.

• Ensínache a aceptar derrotas e a encaixar a frustración.

• Aprendes a organizarte, a asumir responsabilidades e a aceptar normas.

• Conseguirás superar os retos que te propoñas pois aumentas a capacidade de sacrificio.

Beneficios para os máis novos

Se estás rodead@ de nenos e/ou adolescentes, o primeiro paciencia, e segundo ponos a facer exercicio, é a mellor decisión que podes tomar, porque a actividade física:

• Contribúe ao desenvolvemento integral da súa persoa.

• Mantén baixo control a obesidade e o sobrepeso, tan necesario nesta idade.

• Mellora a mineralización dos ósos e diminúe a incidencia de osteoporose na idade adulta.

• Mellora a maduración do sistema locomotor e aumenta as súas destrezas.

• Estimula o sistema inmunolóxico facéndoos máis resistentes ás enfermidades.

• Mellora o rendemento escolar e social.

• Reduce o tempo de exposición a pantallas e videoconsolas.

• Mellora o seu humor ao activar neurotransmisores como a serotonina, as endorfinas e a dopamina.

Estou segura de que te convencín de que facer deporte é unha necesidade e que pode ser moi divertido. Non o deixes para máis adiante, agora que vén o bo tempo proponte saír a dar un paseíño e verás que pronto te enganchas á actividade física.