O delegado do Goberno asegura que en breve realizaranse detencións en relación ao incendio de Cualedro

O delegado do Goberno en Galicia, Santiago Villanueva, manifestou que “en breve” haberá detencións en relación ao incendio do municipio ourensano de Cualedro, no que se queimaron máis de 3.000 hectáreas de superficie e que se propagou os dos municipios limítrofes de Baltar, Trasmiras e Xinzo de Limia.

A preguntas dos xornalistas, ratificou que a Garda Civil mantén as investigacións e que “xa” se producirán detencións. “Nunha brevidade de tempo vanse producir actuacións da Guardia Civil en relación a o presunto ou presuntos culpables”, engadiu.

Por outra banda, o delegado do Goberno en Galicia pediu de novo a colaboración cidadá para deter os autores destes incendios e insistiu en que “ninguén” que os provocara “queda libre”. “É un dano a todo o patrimonio”, insistiu.

O delegado do Goberno en Galicia realizou estas manifestacións coincidindo coa súa presenza no acto da parada militar con motivo do Día da Unidade da Forza Loxística Operativa.