O Centro Comercial do Casco Histórico de Viveiro inicia a campaña de San Valentín

“Ven ó Centro Comercial Casco Histórico de Viveiro e déixate namorar polo seu comercio” con este lema a Asociación de comerciantes de Viveiro pon en marcha a campaña de San Valentín sorteando entre os seus clientes 7 Ceas Románticas e con encanto.

No próximos días os locais asociados entregarán ós clientes cas suas compras as papeletas para entrar no sorteo. Deberán cubrilas cos seus datos e depositalas no propio comercio. O sorteo realizarase o venres 14 de febreiro na oficina da Asociación, comunicando vía telefónica o resultado a tódolos gañadores.  A cea poderá desfrutarse o sábado 15 de febreiro nos locais participantes, cada cea nun dos locais, que son: Mesón A Baiuca, Restaurante o Muro, Restaurante O Asador, Restaurante Casa Pepi, Bar Normandy, Mesón O Recuncho e Mesón Imperial.

Repartiranse un total de 10.000 papeletas ata as compras realizadas o xoves 13 de febreiro.

O obxetivo da campaña é promocionar o comercio local, o comercio da nosa vila, e obsequiar ós clientes con algo tan especial para desfrutar nesta data, apostando por un servizo profesional e de calidade.

As bases do concurso poden consultarse na web da Asociación www.viveirocentro.com