A Comunidade galega sitúase no primeiro lugar no pago aos seus proveedores

O período medio de pago de Galicia no mes de marzo situouse en 11,82 días, día e medio menos que no mes anterior (13,39 días).

Galicia segue reducindo o tempo de pago aos seus provedores, situándose por debaixo dos 12 días (11,82) e pechou o mes de marzo como a Comunidade que paga máis rápido aos seus provedores, cun tempo medio de pago 10 días mellor que a media autonómica, que se situou en 22 días, segundo mostran os datos oficiais publicados polo Ministerio de Hacienda.

A Comunidade galega pechou o mes de marzo como a primeira comunidade que paga máis rápido as súas facturas e continúa reducindo os tempos de pago, baixando máis de día e medio con respecto ao mes de febreiro, cando foi de 13,39 días.

Así mesmo, Galicia tamén se situou máis de 18 días por debaixo do límite de 30 que establece a normativa estatal.

Por outra banda, Galicia é a segunda Comunidade autónoma con menor porcentaxe de endebedamento comercial, un 0,12 %, por debaixo da media autonómica, que foi do 0,25 %. A débeda comercial do conxunto de comunidades era de 4.172 millóns de euros, dos que só 99,9 millóns –o 2,39 %- corresponden a Galicia.