A Xunta garante a dispoñibilidade dos servizos ante a incidencia informática global

A Xunta de Galicia garante a dispoñibilidade dos servizos ante a incidencia informática global. A Xunta tomou, desde o primeiro momento, as medidas necesarias para garantir a dispoñibilidade dos servizos esenciais e recuperar os servizos afectados.

A Xunta seguiu o protocolo de actuación definido que establece a prioridade no relativo ao restablecemento dos servizos, primando aqueles que son críticos (061, 112 e incendios) e os que teñen impacto directo na cidadanía.

Os servizos críticos están garantidos desde primeira hora e estase a avanzar na recuperación do resto de servizos. Agárdase que a práctica totalidade dos servizos estean dispoñibles nas próximas horas.