publicidade hoxe

Galicia mostra á ministra de Pesca de Mozambique as últimas tecnoloxías e equipamentos cos que contan as súas lonxas

PUBLICADO EN: Noticias de GaliciaGaliciaGalicia exteriorPortada esquerda
A-
A+
Visita da ministra de Pesca de Mozambique

Visita da ministra de Pesca de Mozambique

O director xeral de Pesca, Acuicultura e Innovación Tecnolóxica, Antonio Basanta, acompañou esta mañá á ministra do Mar, Augas Interiores e Pesca de Mozambique, Lídia de Fátima da Graça, nunha visita á lonxa de Vigo para coñecer o funcionamento deste centro de primeira venda. O encontro do representante da Consellería do Mar coa ministra e o resto de autoridades mozambicanas serviu para mostrar ao país africano a realidade das lonxas da comunidade e os equipamentos tecnolóxicos cos que contan para mellorar a comercialización, un aspecto vital para impulsar a actividade dos portos e a economía da comunidade.

A visita permitiu á delegación do país africano comprobar os equipamentos punteiros existentes nestes establecementos, entre os que destaca a dixitalización da maioría dos procesos, o que facilita a xestión diaria da actividade. Ao mesmo tempo coñeceron o sistema de trazabilidade e etiquetaxe empregado e que contribúe a poñer en valor os distintos produtos e aportar ao consumidor toda a información sobre a súa orixe. Estes avances poden servir de exemplo e inspiración para o sector marítimo-pesqueiro de Mozambique, país co que Galicia ten lazos sociais, comerciais e de negocios neste eido desde hai décadas. A ministra de Pesca tamén puido constatar a relevancia do porto de Vigo no eido pesqueiro, punteiro en Europa e un dos máis importantes do mundo

7 de xullo de 2022 | 15:05 • Sen comentarios

Comentarios pechados.