Extinguido o incendio forestal do concello lugués de Begonte, parroquia de Gaibor

A Consellería do Medio Rural informa de que quedou extinguido o incendio forestal rexistrado no concello lugués de Begonte, parroquia de Gaibor.

O lume -que se iniciara ás 14,29 h. de onte- quedou sufocado ás 1,02 h. desta madrugada. Segundo as últimas medicións, afectou unha superficie de 39 hectáreas arboradas. Na súa extinción traballaron en total 5 axentes, 11 brigadas, 8 motobombas, 6 helicópteros e 2 avións.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.