publicidade hoxe

O teléfono de atención e información -012- leva atendidas máis de 3,8m de chamadas dende a súa posta en funcionamento

PUBLICADO EN: Noticias de GaliciaLocal PortadaOurensePortada dereita
A-
A+

O vicepresidente da Xunta, Alfonso Rueda visitou esta mañá as instalacións do servizo de Atención e Información á Cidadanía, – 012-, acompañado da directora xeral de Reforma Administrativa, Natalia Prieto, onde indicou dende a súa posta en funcionamento atendeu mais de 3,8M de chamadas o que indica que a data de hoxe, está consolidado como a referencia telefónica da Xunta de Galicia para a cidadanía.

Alfonso Rueda, indicou que no ano 2011 centralizouse no 012 a xestión de diversos servizos telefónicos da Xunta, co obxectivo de facilitar información e asesoramento tanto en galego, castelán ou inglés, permitindo desta maneira que se poidan levar a cabo trámites de xeito sinxelo e directo. No caso do Servizo de Atención á Muller, de Información Social e da Liña de Axuda á Infancia o servizo está operativo as 24 horas do día os 365 días do ano.

A día de hoxe atópanse centralizados un total de 15 servizos telefónicos, que ademais de supor una mellora na xestión da información, ofrece vantaxes como a sinxeleza do número, fácil de recordar e marcar, cunha oferta dun servizo integral, posto que o mesmo operador pode responder calquera consulta realizada polo cidadán. Esta centralización de servizo supón un aforro para ás arcas galegas unha media de 1,5 M euros cada ano, xa que antes cada un destes teléfonos funcionaba independentemente.

Conta ademais cun sistema de videointerpretación da lingua de signos que garante o acceso de persoas con discapacidade auditiva, en igualdade de condicións, ao Teléfono 012. Unha das melloras fundamentais implantadas nos últimos anos foi o sistema automatizado de atención telefónica no servizo de queimas, que permite solicitar un permiso de queima as 24 horas os 365 días do ano, permitindo unha maior eficacia no servizo e diminuíndo o número de chamadas en cola.

Teléfonos integrados

Na actualidade están integrados no 012, o Servizo de Información Xeral, Servizo de Atención ás Mulleres, Servizo de información en materia de vivenda, Servizo de información ao agro galego, Servizo de Información Social, Liña de axuda á Infancia, Servizo de información a demandantes e empregadores, Teléfono voluntariado, Teléfono Xove, Teléfono de Información afectivo sexual “Quérote” , Servizo de información e soporte á xestión da citación na área da Dependencia, Servizo Galego de Apoio á mobilidade persoal, Servizo de información e soporte á xestión da citación para o recoñecemento na área de discapacidade, Servizo de información Turística e Servizo de información sobre reclamacións de facturación eléctrica.

19 de xuño de 2019 | 17:56 • Sen comentarios

Comentarios pechados.