A Xunta adxudica a redacción do novo proxecto da estación intermodal da Coruña por un investimento de 291.000 euros

wdfb_og_images: a:1:{i:0;s:0:"";}
wdfb_og_custom_name: a:1:{i:0;s:0:"";}
wdfb_og_custom_value: a:1:{i:0;s:0:"";}

A-

A+

A Consellería de Infraestruturas e Mobilidade vén de adxudicar a redacción do novo proxecto construtivo da terminal de autobuses integrada na estación intermodal da Coruña.

Este contrato foi adxudicado á Consultora de Ingeniería y Empresa S.L. (CIESA) por un investimento de máis de 291.000 euros.

O proxecto, incluído o aparcadoiro, suporá un investimento autonómico duns 19 millóns de euros.

O Executivo autonómico financiará esta actuación con fondos propios da Comunidade Autónoma, tal e como recollen os orzamentos da Xunta para 2019.

O Goberno galego traballa coa previsión de realizar este ano o novo deseño para dispor en 2020 do proxecto construtivo que permita iniciar a tramitación urbanística para a continuación licitar as obras da nova estación intermodal.

A estación intermodal facilitará o intercambio áxil e seguro entre os distintos modos de transporte nesta cidade e potenciará o uso do transporte público.

8 de marzo de 2019 | 12:32 • Sen comentarios

Outras novas do día

Comentarios pechados.