Os Gardacostas requisan 200 quilos de ourizo e unha embarcación nun control contra o furtivismo na ría de Ares

Axentes do Servizo de Gardacostas de Galicia, dependente da Consellería do Mar, comisaron onte 200 quilos de ourizo e unha embarcación de recreo na zona de Punta San Amade, na ría de Ares. Ademais requisaron un traxe de neopreno, unha botella de osíxeno e unhas aletas.

Toda a mercadoría estaba sen identificar. Este operativo enmárcase no conxunto dos controis que efectúa diariamente o Servizo de Gardacostas para evitar a extracción e comercialización ilegal de produtos pesqueiros e marisqueiros.