A Policía Nacional recupera figuras relixiosas subtraídas do cemiterio de Olveira en Riveira

Axentes do Corpo da Policía Nacional da Comisaría de Riveira (A Coruña) recuperaron varias figuras de temática relixiosa de procedencia descoñecida, que foran subtraídas do cemiterio de Olveira.

Segundo informou a Policía Nacional, tras xestións realizadas confirmouse que dúas destas figuras recuperadas foran subtraídas no cemiterio de Olveira.

Os axentes proseguen coas indagacións para descubrir a procedencia do resto de figuras e reintegrárllelas aos seus lexítimos propietarios. As mesmas fontes cren que puideron ser subtraídas nos distintos cemiterios do municipio.

Ao non existir denuncia dos feitos, a Policía solicita a colaboración cidadá para esclarecer a súa orixe. As figuras atópanse depositadas na Comisaría de Riveira, onde poden ser recoñecidas por interesados.

Ademais, a Policía Nacional de Riveira explicou que obran en poder da súa comisaría outras figuras de temática relixiosa, pois os axentes seguen, a día de hoxe, recuperando figuras.