O bispo de Tui-Vigo presidirá o funeral polas vítimas do sinistro do Porriño

O bispo da Diocese Tui-Vigo, Luis Quinteiro Fuiza, presidirá este mércores o funeral polas vítimas do accidente ferroviario acontecido o pasado 9 de setembro, no que morreron 4 persoas –entre elas o maquinista e o interventor– e outras 49 resultaron feridas de diversa consideración.

Tal e como informou le Bispado nun comunicado, o funeral oficiarase ás 19,30 horas deste mércores na parroquia de Santa María do Porriño, localidade na que se produciu o descarrilamento do tren e que pertence á diocese de Tui-Vigo.

Este martes continúa ingresada no Hospital Álvaro Cunqueiro (HAC) de Vigo unha única persoa, que “vai evolucionando”, segundo informou o Sergas.

Mentres, recibiron a alta as outras 48 persoas feridas: 21 no HAC, dous no PAC de O Porriño, 10 na Clínica Fátima e 15 na Clínica Povisa.