Os escolares silledenses acoden á representación do teatro “O Murmuio do Mar”

Escolares na representación teatral

A Concellería de Educación, que dirixe Pili Péon, programou para a xornada do venres día 26 un espectáculo teatral de títeres dirixido aos escolares do municipio.

Á representación, que tivo lugar no Auditorio da Semana Verde de Silleda, contou con numerosa asistencia de rapaces, que a través de contos e música se sumerxiron no universo do mar. “O Murmurio do Mar. Cancións e lendas mariñeiras” da compañía de títeres A Xanela do Maxín, busca, con moita imaxinación, implicar ós rapaces no coidado e o respecto polo ecosistema mariño.