O Concello repartiu 220 entradas do Silleda Park para amilias do programa Silleda Solidaria e centros escolares

O Concello de Silleda, a través do departamento de Educación, que dirixe Pili Peón, adquiriu 220 entradas para acudir ao Silleda Park. Ademais de entregar entradas a todas as familias usuarias do programa Silleda Solidaria, o resto repartíronse entre os centros educativos para que fagan un sorteo entre o alumnado.

“Tal e como se anunciou no seu día dende o Concello queremos facilitar aos nenos e nenas de familias con menos recursos as mesmas oportunidades para asistir a este tipo de eventos”, indica a concelleira.