Máis de cen persoas xa están anotadas na Xuntanda de Nadal de Maiores do venres día 18

A Xuntanza de Nadal dos Maiores de Silleda, que se celebrará o vindeiro venres 18 no restaurante Coteliño a partir das 14.00 horas contan xa con 130 persoas inscritas. O menú estará composto por sopa de peixe, langostinos, xarrete con guarnición, postres de Nadal  e café.

O prezo é de 15 euros para veciños e socios do Club do Centro Social dos Maiores e de 16 euros para veciños doutros municipios ou persoas que non sexan socias do citado club. Suso de Melide amenizará esta xornada na que non faltará o sorteo de agasallos.

Para poder participar nesta Xuntanza será imprescindible estar previamente anotado. As persoas que desexen acudir poden inscribirse no Centro Social da Bandeira, no Centro Social de Silleda ou ben chamando aos teléfonos 986 581028 ou 986 592037.