Aberto o prazo de inscrición para participar no campamento deportivo de Nadal de Riveira

O Concello de Riveira informa de que dende o día de hoxe está aberto o prazo de inscripción para participar no Campamento Deportivo do Nadal: unha das actividades organizadas polo Concello con motivo desta festividade.

Esta actividade propiciatoria da conciliación da vida familiar e laboral en días festivos terá lugar entre os días 21 e 24 de decembro, 28 e 31, e 4 e 5 de xaneiro. O seu horario é de 10 a 13 horas e terá lugar no Complexo Deportivo da Fieiteira.

Corenta prazas

Está orientada a nenos e nenas nados entre o 2009 e o 2003 (6 a 12 anos). Hai 40 prazas e o prezo son 10 euros. 

Os interesados poden inscribirse ata este xoves 17 de decembro a través dun formulario online habilitado na páxina web municipal (www.riveira.es / www.riveira.gal). A listaxe de admitidos será publicada o día 18 de decembro e a matrícula deberá ser formalizada entre o 21 e o 23 de decembro.