Oito funcións integrarán a Mostra de Teatro 2015 de Riveira

A Mostra de Teatro volta un ano máis a Riveira e neste ano 2015 estará integrada por un total de oito funcións, que se desenvolverán entre o 23 de outubro e o 11 de decembro. A primeira tenente de alcalde e concelleira de Cultura, Fabiola García, foi encargada de presentar esta nova edición, na que Segundo Chiki Duránexerce un ano máis de director.

Seguindo a pauta de anos anteriores, as funciós terán lugar os venres no Auditorio Municipal ás 21.30 horas. As entradas serán de balde ata encher aforo, podéndose retirar a partir de media hora antes do inicio das mesmas.

A programación estará conformada pola seguintes actuacións:

23 de outubro.- O Aturuxo de Melpómene: “Desencaixados. Esperpéntica Crise”.
30 de outubro.- Tirinautas Teatro: “Xamón, xamón”.
6 de novembro.- Malasombra: “D.E.P.”.
13 de novembro.- Abrapalabra – Cándido Pazó: “O Decamerón”.
20 de novembro.- Produccións teatrais Excéntricas – Mofa e Befa: “Bobas&Galegas”.
27 de novembro.- Talía Teatro: “Mil Primaveras”.
4 de decembro.- Grupo Municipal de Teatro de Riveira: “A Malquerida”
11 de decembro.- Grupo de teatro Artellar (asociación Ambar): “Avoíña, avoíña… Cómo sobrevivo na casiña?”.