O Concello de Silleda recibe ofertas da veciñanza para acoller a refuxiados sirios

O Concello de Silleda recibiu xa varias ofertas de vivendas por parte de veciños e veciñas do municipio para acoller a refuxiados sirios que están a chegar a Europa. Dende o goberno municipal o alcalde, Manuel Cuiña, destaca a solidariedade dos silledenses, “que con xestos coma este volven a demostrar a súa hospitalidade e xenerosidade”, engade.

Así mesmo, Cuiña explica que o Concello de Silleda está á espera do que se decida nas administracións supramunicipais sobre a resposta de acollida aos refuxiados. “En Silleda poñerémonos á disposición do que se decida, ofrecendo os recursos que poidamos,e  colaborando na necesaria resposta a esta gravísima crise humanitaria”, engade Cuiña.