O alcalde de Silleda reúnese cos veciños afectados polo derrube de presas no río Deza

Reunión do alcalde cos veciños afectados

O alcalde, Manuel Cuiña, e o concelleiro de Obras e Servizos, Klaus Brey, recibiron esta mañá aos veciños afectados polo derrube das presas no río Deza. Os afectados entregaron a Cuiña a documentación sobre estas presas históricas para a reunión que mañá manterán os rexedores de Silleda e Vila de Cruces coa Directora Xeral de Conservación da Natureza e o director de Augas de Galicia sobre este tema (13.30 horas). No encontro os rexedores solicitarán copia do expediente para tratar de aclarar o acontecido.