A ruta da Saleta pecha o programa de Sendeiros Rías Baixas o 11 de outubro

O municipio de Silleda volve formar parte da axenda do programa provincial Sendeiros Rías Baixas. Logo da cita o pasado ano en Parada, o vindeiro domingo día 11 de outubro este programa de sendeirismo rematará co roteiro da Saleta, na parroquia de Siador.

Trátase dun roteiro lineal, de 13 kilómetros de lonxitude. Un roteiro intresante con numerosos elementos patrimoniais e históricos. O prazo de inscrición remata o vindeiro 7 de outubro.

O programa está destinado a persoas a partir dos 7 anos e os interesados poden obter máis información chamando ao teléfono 986 090898 ou a través da web da Deputación de Pontevedra (www.depo.es).

O programa comezou o pasado mes de maio en Vilagarcía de Arousa, continuando en Covelo, Meis, e pasado mañá domingo día 20 en  Ponte Caldelas . Busca fomentar hábitos de vida saudables e coñecer e disfrutar en grupo da paisaxe e natureza da provincia.