O número de peregrinos que pernoctarán en Silleda no verán supera xa os 800

As pernoctacións de grupos de peregrinos no municipio de Silleda seguen aumentando. Así, as reservas para estes dous meses de verán sitúanse xa en 805. Ademais do pavillón polideportivo da Bandeira, lugar habilitado dende o Concello para acoller a grupos máis numerosos, tamén se rexistraron ata finais de agosto reservas de tres grupos para o pavillón do Colexio María Inmaculada.

Así mesmo, tamén se rexistraron outras dúas reservas para este mes de grupos de Boy Scouts europeos que farán noite no recinto da Saleta e na carballeira da Bandeira, cos pertinentes permisos.

Mañá sábado, por exemplo chegarán á Bandeira un grupo de 65 persoas de Villafranca, que se sumarán as expedicións procedentes de localidades de Extremadura, Andalucía, Madrid…ou outros grupos de Portugal.