Eva García e Carla Pérez prenden a chama olímpica de Porrigalia
A alcaldesa do Concello do Porriño, Eva García de la Torre, e Carla Pérez, a deportista máis laureada do Porriño de todos os tempos, prenderon esta noite a chama olímpica que inaugura os II Xogos Olímpicos do Porriño, Porrigalia. A chama olímpica saiu dende o monte do Faro de Budiño, con relevos, percorrendo diversos lugares da vila ata chegar á praza do Concello.
Carla Pérez, que pertence ao club Kayak de Tui, conta con 8 medallas de ouro, dous de prata e dous de bronce nos dous últimos campeonatos de España. Participa en competicións internacionais coa selección española.
Hoxe sábado 25 de xullo, Porrigalia continua con desfile de comparsas, cuadrigas e xantar e cea nas rúas, espectáculo de cabalos e cuadrigas, e os concerto de Celtas Cortos e os DJs Paolo Dumore e Raúl Ortiz.