O Servizo Lúdico Educativo de Silleda despide o curso cunha festa da espuma

Os nenos e nenas que acudiron durante todo o curso ao Servizo Lúdico Educativo de Silleda despedirán as actividades esta semana. Para celebrar o remate do curso, mañá xoves celebrarase unha Festa da Espuma, no patio do CEIP de Silleda.A cita comezará ás 16.30 e prolongarase ata as 18.00 horas. Haberá música, e outras actividades como unha xincana de auga, xogos con globos, e animación musical. A partir do vindeiro luns comezará xa o Campamento de Verán deste servizo.