Enviar a un amigo
Opinar
ImprimirO Corsario VI faise coa XVI edición da Regata Ramiro Carregal Rey
A VXI edición da Regata Ramiro Carregal Rey, organizada polo Real Club Náutico Portosín coa colaboración do Club Náutico e Deportivo de Riveira, disputouse ao longo deste fin de semana aproveitando as dúas xornadas para cumprir a totalidade do programa deportivo, un trazado costeiro de case 25 millas náuticas entre Portosín e Riveira o sábado; e dous barlovento-sotavento na ría arousá, de seis millas cada un, este domingo.
O Corsario VI, o veleiro patroneado por Javier Durán, do Club de Mar de Vilagarcía, adxudicouse o Gran Trofeo Faro de Corrubedo, como vencedor absoluto da xeral da Carregal Rey levándose, con todo, a prata na súa clase de Regata. Nesta categoría o titular foi o Meissa, patroneado por José Manuel Pérez, do Real Club Náutico Portosín. Terceiro, no posto bronce da Regata, o Meigas Fora, de José Codesido, tamén do náutico portosinense.
En canto á clasificación da división da Regata/Cruceiro, La Rabuda Uno, de Fernando González, do RCN Portosín, proclamouse como invicto vencedor, tras os seus tres contundentes primeiros. Segundo foi o Ziralla Primeiro, de Ramón BarReyro, do RCN Sanxenxo. E terceiro o Kanala, de Ignacio Ecenarro, de Portosín.
No Cruceiro o vencedor foi o Sara, de Rafael Blanco, do Náutico de Portosín, con outros tres primeiros. Séguelle, na segunda praza, o Arroas, de José Manuel Pombar, da Escola de Vea Mar de Arousa, con tres segundos postos. E con tres terceiros, o Piko Norte, de María José Seoane e José Manuel Castro, no terceiro banzo, navegando baixo a grímpola do Real Club Náutico A Coruña.
A xornada dominical amenceu con nubes baixas e néboa cubrindo a Ría de Arousa, coa presenza dun compoñente co eixo no Sur, e unha intensidade de 6 a 7 nós.
O Comité da Ramiro Carregal Rey montou un campo de regatas con trazados entre aboias de seis millas de percorrido, disputándose dous neste segundo e último día.
O Corsario VI foi o brillante vencedor da xeral global, un podio de luxo no que a segunda praza ocupouna o Meissa. Terceiro inscribiu o seu nome o Oral Group.
ÁS cinco da tarde celebrouse a entrega de premios nas instalacións do Náutico de Riveira, contando coa presenza de Ramiro Carregal Rey e os presidentes de ambos os clubs, Fernando González por Portosín, e Torres Comer polo riveirense, así como o da Federación Galega, Manuel Villaverde.
