O Concello de Riveira homenaxea aos ex alcaldes da democracia entregándolle as medallas de ouro da cidade

Mañá venres 12 do xuño, no último día desta lexislatura, o salón de plenos do Consistorio vai ser o escenario dun derradeiro acto institucional no que se fará entrega da Medalla de Ouro do Concello de Riveira aos catro ex Alcaldes da Democracia: Lisardo Valeiras Bravo (a título póstumo), José Antonio Ventoso Mariño, Ricardo Pérez Queiruga e José Luis Torres Colomer.

Dáse así cumprimento ao acordo plenario con data de 24 de novembro de 2014 en virtude do cal se decidiu outorgar estas distincións aos catro rexedores, dada “a contribución dos mesmos ao desenvolvemento económico, social e cultural deste municipio, así como pola firme defensa dos valores da democracia”.

O acto, de carácter público e presidido polo seu homónimo Manuel Ruiz Rivas, terá lugar ás 13.30 horas. 

Cómpre lembrar que Lisardo Valeiras gobernou o Concello de Riveira entre os anos 1979 e 1983; José Antonio Ventoso fixo o propio entre 1983 e 1987; Ricardo Pérez Queiruga, entre 1987 e 1991; e José Luis Torres Colomer, entre 1991 e 2011.