Montse Rivera deleitou aos cativos coa súa función infantil na Biblioteca de Riveira

Espectáculo na biblioteca de Riveira

Medio centenar de nenos e nenas acudiron outro sábado máis á Biblioteca Municipal de Riveira para asistir a un espectáculo contacontos promovido pola Concellería de Educación no marco do Xuño da Cultura e as Artes.

Nesta ocasión, foi Montse Rivera quen ofreceu o espectáculo “Cóntoche un traxe”: función que contou coa colaboración especial do riveirense Quico Cadaval e ante atenta mirada dos nenos e pais achegados e da concelleira en función Maricarmen Vizcaya.

Os Sábados de Xuño na Biblioteca proseguirán este sábado 13 ás 12 do mediodía con “Contos que deixan pegada”, a cargo de Pavís Pavós.