Gonzalo Rodríguez impartirá unhas xornadas de mellora individual no baloncesto

O adestrador axudante do Rio Natura Monbus Obradoiro, Gonzalo R. Palmeiro, impartirá unhas sesións de adestramento para a mellora individual dos xogadores de baloncesto. As xornadas serán do 6 ao 10 de xullo no Polideportivo Alcalde Torres Colomer de Palmeira (Riveira). Estarán dirixidos tanto para mozos como para mozas en idade de infantil, cadete e junior.

Gonzalo Rodríguez márcase varios obxectivos primordiais a desenvolver: “Primeiro, que os participantes poidan aprender conceptos e recursos de técnica e táctica individual, partindo dos coñecementos e habilidades dos xogadores. Tamén desenvolver capacidades de autoadestramento, axudando aos xogadores a coñecerse mellor e achegando estratexias de adestramento que faciliten o seu autoaprendizaxe”.

Tamén quere que os rapaces gocen da experiencia de aprender duns doutros. “Outro dos obxectivos é gozar da convivencia con outros mozos e mozas durante as sesións de adestramento, partindo do factor común que nos reúne, o baloncesto”, indica.

Cada xornada de adestramento estará formada por dúas sesións, unha de 10 a 12 horas e outra de 12 a 14 horas. Cada xogador participará nunha das dúas sesións por día, divididas tras finalizar o prazo de inscrición. 

Todas as sesións estará deseñadas e dirixidas polo propio adestrador axudante do equipo obradoirista. A incripción está aberta ata o día 30 de xuño, enviando un correo electrónico á dirección gonropal@yahoo.com. O prezo é de 60€ aínda que en caso de levar un irmán ou irmá haberá un 50% de desconto para este.