Equina 2015 amplía o seu programa coa Copa ANCCE e a 13ª Copa Accega de doma clásica

O evento ecuestre Equina 2015, o cal se celebrará os días 20 e 21 de xuño no recinto Feira Internacional de Galicia ABANCA, amplía o seus programa con dúas destacadas competicións de cabalos de pura raza española centradas na modalidade olímpica de Doma Clásica, os cales serán un clasificatorio para a Copa ANCCE e a 13ª Copa Accega de Clubes Galegos.

A importante Copa ANCCE, que se desenvolverá ao longos dos dous días, será clasificatoria para a final do Campionato de España, que se celebrará no marco do Salón Mundial do PRE- SICAB, o cal terá lugar en Sevilla do 17 ao 22 de novembro deste ano. Nela participarán destacados binomios (cabalo-xinete) da doma española.

A esta proba acadada polo Comitér Organizador de PRE (Pura Raza Española) do evento, súmase outra, a 13ª Copa ACCEGA de Clubes Galegos, que se levará a cabo o domingo. Ambas competicións serán xulgadas polos xuíces nacionais Miguel Martínez Tebar, Belén Bartolomé Calvo e Mª Jesús Escudero.

A inscrición para estes concursos, que debe tramitar a Asociación de Criadores de Cabalos Españoles de Galicia (ACCEGA), remata o día 18 de xuño.

Concursos centrais

Equina 2015  terá como eixos centrais dúas importantes competicións, o Concurso Internacional Morfofuncional de Cabalos Españois de Galicia – ANCCE e o III Concurso A.E.C.C.A de Galicia, de categoría nacional. Tanto esta probas como as Copas ANCCE e Accega terán lugar no ring do recinto feiral, o cal conta cunhas dimensións de 8.500 m² 

Ademais o evento complementarase cunha área expositiva que se situará no pavillón 3, ubicado a escasos metros do ring, que dará cabida a empresas e entidades relacionadas co mundo do cabalo.