Derradeira conferencia das xornadas de Autoemprego de Porremprego

O Concello do Porriño, a través do servizo de emprego e formación municipal Porremprego, celebra mañá martes 30 de xuño, de 10.00 a 14.00 h a última das xornadas que se levaron a cabo en materia de autoemprego.

Dentro do programa de Conferencias e Obradoiros de Autoemprego que se deron cita durante este mes de xuño no Multicentro de Torneiros, a charla de mañá centrará a súa atención na “Fórmula cooperativa nos servizos sociais”.

Este obradoiro contará coa técnica de emprendemento da Rede Eusumo, Teresa Balado Barciela; o socio consultor de Eosa Consultores, Adolfo Neira; e o consultor de servizos sociais, Diego Estévez García.

Do mesmo xeito que nas anteriores, a asistencia é libre e de balde, pensado tanto para persoas desempregadas como para aquelas incorporadas ó mercado laboral e estudantes de cara a ir definindo o seu futuro inmediato.