Un total de 240 rapaces acudiron ao espectáculo de Serafín Marcos sobre Xosé Filgueira Valverde

Espectáculo de Serafín Marcos

Hoxe ás 11:00 h tivo lugar no Auditorio o espectáculo de Serafín Marcos titulado “Falando con Filgueira Valverde”, enmarcado no Maio Cultural de Riveira 2015 organizado por Cultura e Festexos e Educación de Riveira. Asistiron 240 rapaces e rapazas de 3º e 4º da ESO dos colexios Galaxia, Bayón, A Milagrosa e Sagrado Corazón. O espectáculo durou 75 minutos e rematou ás 12:15 h

Este venres 15 de maio, ás 11 h no Auditorio terá lugar o espectáculo As Maimiñas para público de educación infantil dos colexios Sagrado Corazón de Castiñeiras, A Capela de Carreira, Deán Grande, Frions, Artes, O Grupo, Ambar e Heroínas de Sálvora de Aguiño. O aforo estará completo, con 279 nenos/as de 3 a 7 anos.