Queda en liberdade o maior de idade detido por unha agresión en Riveira

O detido maior de idade como presunto autor da agresión a dous cidadáns senegaleses o fin de semana na localidade coruñesa de Riveira quedou en liberdade tras pasar a disposición xudicial, imputado por un delito de lesións. Así o sinalaron fontes xudiciais despois de que o detido fose posto este mércores a disposición do xulgado de garda de Riveira. Mentres, o seu irmán menor de idade detido tamén o martes quedou a cargo dos seus pais e a disposición da Fiscalía de Menores.

Foi na xornada do martes cando axentes da Policía Nacional detiveron aos dous irmáns, veciños da localidade coruñesa de Riveira, como presuntos autores da agresión denunciada por dous cidadáns senegaleses o pasado fin de semana. As detencións producíronse despois de que a Policía Nacional analizase as circunstancias denunciadas, barállase que os feitos se producisen no marco dunha rifa, e levasen a cabo recoñecementos fotográficos para identificar aos autores da agresión.