O Concello do Porriño incorpora ao seu persoal un total de 20 desempregados
Un total de 20 persoas en situación ou risco de exclusión social incorporaranse ao persoal do Concello do Porriño nos próximos días. Trátase concretamente de 2 auxiliares administrativos que desempeñarán un labor de apoio administrativo á Axencia de colocación Porremprego, e de 10 peóns e 8 peóns de limpeza que realizarán tarefas de embelecemento urbano.
Estas incorporacións, incluídas no Plan Municipal de Emprego 2015, realizaranse en base a unha subvención da Consellería de Traballo e Benestar.
Porremprego pon en marcha diferentes actividades formativas
Por outra banda, incluídos tamén no Plan Municipal de Emprego, a concellaría de Emprego e Formación do Concello do Porriño, que dirixe M. Alejandro Lorenzo, pon en marcha diferentes cursos dirixidos a desempregados.
“Un total de 45 accións formativas a través das cales se pretende formar de maneira prioritaria a aqueles veciños que se atopan en situación de desemprego, naquelas ocupacións con maior demanda no mercado laboral, a fin de mellorar a súa cualificación para facilitar a súa inserción”, explica o edil.
Así, os usuarios da bolsa municipal de emprego poderán formarse en diferentes sectores, entre os que destacan a contabilidade, inglés, atención ao cliente, caixeiro-reponedor, barbaría, informática, carretillero ou manipulador de alimentos.