O Campionato de España Infantil de Fútbol Sala levanta o pano

Presentación do Campionato de España infantil de Fútbol Sala

Centos de novas promesas do fútbol sala chegarán mañá ao Porriño para disputar o Campionato de España Infantil de Fútbol sala, que se celebrará do 13 ao 17 de maio na nosa localidade, nunha nova aposta polo deporte base acolle o noso municipio.

Esta mesma mañá, o salón de plenos da Casa Consistorial acolleu o acto de presentación do campionato, no que estiveron presentes o concelleiro de Deportes do Concello do Porriño, M. Alejandro Lorenzo, o Presidente do Subcomité Organizador dos Campionatos de España de Seleccións Territoriais da RFEF, Gonzalo Azkárate e Gaztelu, o Vicepresidente 1º da Federación Galega de Fútbol, Gustavo Falqué, e o directivo da FGF responsable do fútbol sala, Pablo Prieto.

O edil abriu o acto agradecendo “tanto á Federación Española de Fútbol como á Federación Galega que elixan o noso municipio como sede deste evento deportivo”. Lorenzo aproveitou para convidar “a todos os veciños e a todo o mundo en xeral a vir ao Porriño esta semana e gozar deste espectáculo do deporte e de todas esas promesas que, estou seguro, chegarán alto na súa carreira deportiva”.

Gustavo Falqué remarcou que durante estes días poderanse ver no Porriño aos mellores xogadores de España da categoría infantil de fútbol sala, deu as grazas á RFEF por confiar na FGF para a organización deste campionato e do que se celebrou hai unhas semanas en Sarria, así como ao concello do Porriño pola aposta realizada e fixo fincapé no traballo que desde a FGF está a realizarse para que se organizan en Galicia Campionatos de España como este. Así mesmo, desexou unha boa estancia aos equipos “nesta bela cidade” e convidoulles a gozar “da convivencia coas demais seleccións e coas xentes do Porriño”. 

Gonzalo de Azkárate-Gaztelu pechou o acto destacando a importancia de que Galicia sexa sede nunha mesma tempada de dous campionatos de España, “tendo en conta que había 95 solicitudes”. Deu as grazas ao alcalde do Porriño, Nelson Santos, e ao Presidente da FGF, Rafael Louzán, pola aposta realizada e destacou a importancia do xogo limpo e o fair play nestas competicións, por iso é polo que a RFEF outorgue ambos os premios. 

O alcalde do Porriño, Nelson Santos, que por cuestións de axenda non puido asistir ao acto de presentación, quixo“desexar moita sorte todas as seleccións participantes, e a cada un dos deportistas que forman parte delas. E ante todo, pedirlles que gocen do deporte do Fútbol sala, así como os encantos da nosa terra, os veciños do Porriño estaremos a gozar con eles”.

Charlas formativas

Pola mañá David González Piñón, Preparador Físico de categorías base Selección Nacional Fútbol sala (RFEF), impartiu charlas formativas en dous centros educativos do Porriño, o CEIP Antonio Palacios, e o IES Piñeiro Mansa. Charlas enfocadas a dar a coñecer o traballo que se está realizando na RFEF no que a fútbol sala se refire e tamén para animar aos nenos e nenas a coñecer e gozar deste deporte asistindo ao campionato.