Enviar a un amigo
Opinar
ImprimirO Porriño acollerá o Campionato de España Infantil de Fútbol Sala
Sorteo dos encontros
O alcalde do Porriño, Nelson Santos; o Concelleiro de Deportes de Porriño, Alejandro Lorenzo, , o Presidente da Federación Galega de Fútbol, Rafael Louzán; e o Presidente do Subcomité Organizador dos Campionatos de España de Seleccións Territoriais da RFEF, Gonzalo Azkárate e Gaztelu realizaron este mediodía no Salón de Plenos do Concello do Porriño o sorteo dos grupos do Campionato de España Infantil de Fútbol sala que se vai a celebrar no noso municpio do 13 ao 17 de Maio.
Nelson Santos e Rafael Louzán foron os encargados de extraer as bólas e o sorteo deparou a seguinte confección dos grupos e cruces de semifinais:
GRUPO A GRUPO B GRUPO C GRUPO D
Ceuta Melilla Murcia Galicia
Cataluña Baleares Canarias Madrid
Castela A Mancha Aragón Cantabria Andalucía
SEMIFINAIS
1ª Semifinal 1º Grupo B vs 1º Grupo c
2ª Semifinal 1º Grupo A vs 1º Grupo D
O rexedor agradeceu a presenza de Rafael Louzán, ao que felicitou polo seu novo cargo de Presidente da FGF e polo que xa está a facer a Federación polo fútbol galego desde o seu nomeamento.
Gonzalo Azkárate e Gaztelu tamén trasladou ao Presidente da FGF as felicitacións de parte da RFEF pola gran organización do Campionato de España Sub-16 celebrado este pasado fin de semana en Sarria, destacando que “todas as seleccións marcháronse encantadas”, remarcando que “foi un éxito en todos os sentidos”.
E o Presidente da FGF pechou o acto dando as grazas ao Concello do Porriño por apostar por este Campionato de España e pola súa aposta en xeral polo deporte, resaltando o seu desexo de que esta sexa a primeira outras ocasións futuras nas que O Porriño e Federación Galega de Fútbol se unan na organización de eventos.
