Exitosa audición dos alumnos de corda do Conservatorio de Riveira

Alumnos participantes na aundición

O pasado xoves, coincidindo co Día do Pai, alumnos de corda do Conservatorio Profesional de Riveira ofreceron a quinta das audicións programadas no ciclo denominado “Marzo Musical”.

Alumnos de violín, viola, violonchelo e guitarra interpretaron un variado repertorio para o numeroso público asistente, baixo a atenta mirada dos seus profesores e da xefa de estudos do centro, Natalia Rey.

A sexta e última das audicións do ciclo terá lugar este próximo venres 27 de marzo ás 19.00 horas, como é habitual no salón de actos do Conservatorio. Esta última sesión pon remate ao segundo trimestre do curso e será o día no que os alumnos poderán recoller os seus informes de avaliación.