Escolares silledenses asisten o vindeiro venres á proxección do documental “Camino a la Escuela”

O vindeiro venres día 27 de marzo proxectarase en Silleda o documental “Camino a la escuela”, de Pascual Plisson. O filme, que acadou o Premio César 2014 ao mellor documental, está destinado a escolares do municipio, nunha actividade organizada pola Concellería de Educación, que dirixe Pilar Peón.

A cita será ás 11.30 no auditoiro da Semana Verde e asistirán alumnos/as do CEIP de Silleda, CEIP da Bandeira e do Colexio María Inmaculada. 

Camino a la escuela narra a  historia real e extraordinaria de catro nenos que deben de enfrontarse diariamente a multitude de adversidades e perigos para ir á escola . Os catro viven en puntos distintas pero comparten as mesmas gañas de aprender.  A  Organización de Naciones Unidas para la Educación, la Ciencia y la Cultura (UNESCO) patrocina este documental que está a colleitar numerosos recoñecementos.  

Os escolares deben de abonar 3 euros por asistir e o 10 por cento da recadación será destinado a UNICEF, que investirá os fondos na campaña “Gotas para Níger”, de apoio aos dereitos á auga, a edicación e a saúde neste país africano.