Cores Tourís coñece a estratexia inversora da firma hidroeléctrica de Silleda

Cores Tourís na visita a Silleda

O delegado territorial da Xunta en Pontevedra, José Manuel Cores Tourís, visitou esta mañá a empresa Eléctrica de Silleda para coñecer a súa estratexia inversora no municipio do Deza. Nesta visita estivo acompañado polo xefe territorial de Economía e Industria, Ignacio Rial.

Cores Tourís destacou “a boa labor” desenrolada por Électrica de Silleda, matizando que “dende a administración autónoma queremos apostar por dignificar e mellorar a vida no rural, por eso apostamos por este tipo de empresas que colaboran en potenciar o subministro eléctrico nas parroquias”.

“Non podemos esquecer que esta firma, en estreita colaboración coa Xefatura Territorial de Economía e Industria, veu executando distintas obras de desenvolvemento das infraestruturas eléctricas da zona directamente encamiñadas á mellora da calidade do subministro eléctrico”, explicou o delegado territorial.

De feito, os responsables de Eléctrica de Silleda recoñeceron que “a pesar de vernos afectados pola graves crise económica que estamos a vivir, en 2014 Hidroeléctrica de Silleda non quixo interromper a súa estratexia inversora”, explicou a xerente da empresa, Cristina Sánchez Conde. Así, levou a cabo distintas obras de mellora nos Centros de Transformación rurais de Xestoso, Refoxos e Trasfontao en Silleda e Curantes, na Estrada, así como contribuíu o importante centro de seccionamento e manobra telecontrolado de O Burgo-Cortegada, en Silleda.

Para o presente ano e estreita colaboración coa Delegación Territorial da Xunta en Pontevedra, esta firma silledense tamén planificou a intensificación dos seus investimentos, con actuacións previstas en Vilar, Lamela, Oleiros, Cortegada, Escuadro e Orazo, destacando de forma singular que, de xeito inminente, obterase a autorización administrativa para construción das obras da nova liña de alta tensión 66 KV Set Cira a Set Silleda, que concluirá na nova Subestación de Silleda, cun investimento de tres millóns de euros, “actuacións sen precedentes coa que esta empresa pretende axudar á recuperación económica da comarca”, rematou pola súa banda, o delegado territorial.