Apertura do prazo de preinscrición para participar no curso teórico-práctico de monitores de tempo libre de Riveira

Hoxe luns ábrese o prazo de inscripción para poder participar no Curso de Monitores de Tempo Libre que organiza o Concello de Riveira a través da súa área de Xuventude. Ofértanse 25 prazas que serán cubertas por orde de inscrición, tendo preferencias os empradroados no municipio.

O curso constará de 200 horas lectivas e outras 150 prácticas en actividades do Concello. Desenvolverase na Casa da Xuventude nunha data aínda por determinar.

A cuota para asistir ao curso é de 150 € para os empadroados en Riveira e de 250 € para o resto de asistentes (no prezo inclúese o material, participación, apuntes e secretaría do curso; non se inclúen taxas de expedición de título: 11 euros, unha vez feitas as prácticas).

Os interesados (teñen que ser maiores de idade) poden inscribirse na Casa da Xuventude (teléfono 981 835 289 / mail xuventude@riveira.com).