O Club do Centro Social dos Maiores de Silleda organiza unha viaxe a San Paio de Oleiros

O Club do Centro Social dos Maiores e a Concellería de Participación Cidadá, que dirixe Pilar Peón, organizan unha viaxe á localidade lusa de San Paio de Oleiros, ao norte do país. Celebrarase o vindeiro mércores día 21 e visitarase o Belén móbil máis grande do mundo. Nesta xornada os participantes visitarán tamén a cidade de Porto, pasando tamén por unha afamada adega en Vilanova da Gaia.

O prezo da excursión é de 24 euros por persoa, e inclúe ademais da viaxe en autobús, a visita ao belén, xantar, e entrada con guía a adega.

A saída será ás 07.00 horas dende os centros de maiores da Bandeira e de Silleda. Logo da visita ao belén está previsto o xantar na Freguesía de Santa María da Feira, para trasladarse despois a Porto. A chegada a Silleda está prevista sobre as 22.00 horas.

O prazo para anotarse está aberto ata o vindeiro día 16. Os interesados poden inscribirse na Casa da Cultura ou ben chamando ao 986 581028.