O alcalde de Silleda convoca unha reunión cos pais/nais do alumnado da Escola Municipal de Música

O alcalde e concelleiro de Cultura, Manuel Cuiña, vén de convocar un encontro cos pais/nais dos alumnos e alumnas da Escola Municipal de Música de Silleda a fin de expoñer de primeira man cuestión relacionadas co funcionamento do centro e tamén co traslado previsto das súas dependencias. A cita será este venres día 16 ás 20.30 horas, no salón de acto da Casa da Cultura.

Dende o Concello remitironse cartas a todos os proxenitores así coma aos alumnos e alumnas maiores de idade que cursan estudios neste centro. Manuel Cuiña advirte que se trata dunha reunión importante para abordar distintas cuestións relacionadas co futuro da Escola polo que solicita a asistencia a esta convocatoria. “Creo fundamental explicar directamente a todos os pais e nais dos alumnos algúns dos temas dos que se está a falar nas últimas semanas, así como resolver as posibles dúbidas que poidan ter”, engade.