Clausúrase en Riveira o curso de informática para mellorar as capacidades de busca de emprego e emprendemento das mulleres

Clausura do curso

Unha decena de mulleres participaron dende o 1 de decembro nun curso dirixido a mellorar, mediante o uso das novas tecnoloxías, as capacidades de emprendemento e busca de emprego feminino.

Organizado no marco da rede Emprende en Igualdade, a iniciativa xurdiu da Secretaría Xeral da Igualdade da Xunta e contou coa colaboración do Concello de Riveira a través do CIM.

Esta tarde tivo lugar o acto de clausura do mesmo na Aula CeMIT de Riveira, con participación da secretaria xeral de Igualdade, Susana López Abella; a concelleira de Educación e Servizos Sociais, Maricarmen Vizcaya Sampedro; e o presidente do Colexio Profesional de Enxeñaría en Informática de Galicia  -o órgano que se encargou de impartir os contidos do curso-, Fernando Suárez.