A Asociación de Veciños Olaia festexa o día da patrona de Silleda

A Asociación de Veciños Olaia de Silleda organiza como ven sendo tradicional, os actos para festexar o dia da patrona de Silleda, Santa Olaia. Este Domingo día 7 haberá misa solemne ás 12 da mañán, a continuación no salón Parroquial actuará a Banda Xuvenil de Silleda e ó remate da súa actuación todos os Veciños están convidados a un aperitivo, nas mesmas dependencias do salón parroquial para compartir un rato de “veciñanza”.

Todos os veciños do pobo están convidados.

Por outra banda aproveitaremos ese día para abrir a inscrición de socios, tanto os existentes coma todos os que se queiran integrar por primeira vez na asociación de Veciños. A intención e renovar as bases de datos de soci@s da asociación e captar novos asociados de cara a futuros proxectos nos que estamos a traballar, e nos que os Veciños asociados terán protagonismo e vantaxes.