A Garda Civil detivo a un veciño de Ponteareas como suposto autor de varios delitos contra a propiedade

A Garda Civil detivo a A.J.M., de 41 anos de idade e veciño de Ponteareas, como suposto autor de dous delitos de roubo en interior de vehículos, un deles en grao de tentativa, e outro delito de roubo de uso de vehículo a motor.

Estes feitos delituosos foron realizados nas localidades de Ponteareas e no Porriño.

Por mor das denuncias presentadas polas vítimas dos referidos roubos, compoñentes do Posto Principal da Garda Civil do Porriño iniciaron as correspondentes investigacións que deron como resultado a identificación e detención do suposto autor.

O detido, que conta con amplos antecedentes policiais, foi conducido ás dependencias oficiais para a instrución das correspondentes dilixencias.

Estas, en unión do detido, serán entregadas no Xulgado de Instrución número TRES do Porriño.