O Porriño celebra o Samaín

Cada ano, a celebración do “Samaín”, gana máis peso entre os veciños; por iso o Concello do Porriño, a través da concellaría de Emprego e Formación que dirixe M. Alejandro Lorenzo, ofrece mañá desde as 10.30 h, varias actividades de lecer da man dos alumnos do curso de “Animación Sociocultural”, enmarcado no Obradoiro de Emprego Porremprego II.

Este obradoiro, consta dun programa mixto de formación de emprego, público e gratuíto, promovido polo Concello de Porriño e financiado pola Xunta de Galicia; co obxectivo de mellorar a ocupación das persoas desempregadas en actividades de utilidade pública ou interese social, dando oportunidade a mellorar a situación laboral.

Esta actividade, dirixida tanto a nenos como a adultos, desenvolverase na praza Arquitecto Antonio Palacios desde as 10.30 h ata as 13.00 h e inclúe caracterizaciones, disfraces, contacontos e dinámicas de grupo. Sen dúbida, unha actividade na que os nenos gozarán ao máximo, xa que mañá os centros educativos non impartirán clases por tratarse do “Día do Ensino”.