O Concello de Riveira mellora a dotación tecnolóxica do local de ensaio e a sala de exposicións do auditorio municipal

O Concello de Riveira informa de que nestes últimos días se estivo procedendo á mellora dos equipamentos técnicos de música, son e iluminación do Auditorio Municipal, concretamente do seu Local de Ensaio e da Sala de Exposicións ubicada na parte alta do inmoble.

Para esta actuación, que tivo un custe de 5.400 euros, o Concello beneficiouse dunha subvención de 1901,58 euros da Consellería de Cultura, Educación e Ordenación Universitaria, cofinanciada con fondos FEDER (Fondo Europeo de Desenvolvemento Rexional). Esta contía procede dunha liña de axudas convocadas segundo unha orde de 16 de maio de 2014 e destinada a equipamento e mellora de instalacións e locais.

Concretamente, os elementos adquiridos son, no que se refire ao local de ensaios, 4 pés micrófono altos, 2 pés micrófono curtos, 6 micrófonos dinámicos, 2 DI pasiva Stereo, 1 asento para batería, 1 pedal de bombo, 1 plato e 1 caixa, ademais de cable de micro.

Elementos portátiles

E polo que respecta á sala alta, os elementos –todos eles de carácter portátil, co cal poden ser utilizados noutros emprazamentos se así fose necesario- son: 2 altavoces de 600 watios, un subgrave amplificado con filtro, un monitor autoamplificado de 500 watios, un reprodutor CD/MP3, un rack soporte CD/Mixer, un Mixer Stéreo, un Mic Inalámbrico, dous pés soporte de altavoz, dous pés soporte de luces, unha máquina de fume, dúas Mush led, dúas Rai led, catro garras soporte e calbeado de audio e corrente.

Esta mellora de dotación tecnolóxica redundan na intención de brindar aos grupos de música de Riveira, asociacións, artistas, entidades e sociedade en xeral uns espazos adecuadamente acondicionados para o desenvolvemento das súas actividades.