Riveira abre o prazo de inscrición para os grupos municipais de teatro infantil e xuvenil

O Concello de Riveira informa de que do 1 ao 15 de outubro abrirase o prazo de inscrición para os Grupos Municipais de Teatro, tanto infantil como xuvenil.

Cómpre lembrar que o Grupo Municipal Infantil de Teatro está orientado a nenos e nenas con idades entre os 7 e os 12 anos. Desenvólvese todos os mércores de 18.30 a 20 horas no Auditorio. O inicio do curso está programado para o mércores 22 de outubro, estando previsto que conclúa a finais de maio de 2015.

En canto ao Grupo Municipal Xuvenil de Teatro, está dirixido a mozos e mozas de 13 a 17 anos e celébrase os martes de 18.45 a 30 horas. Principiará o 21 de outubro e rematará no mes de xuño de 2015.

Para inscribirse, todos os interesados poden pasar polas dependencias da Concellería de Cultura no Centro Cultural Lustres Rivas (rúa Manuel Lustres Rivas, nº 20 – 2º andar) en horario de 10.00 a 14.00 horas ou chamando ao número 981 835 650.