O fútbol e a música serán os protagonistas nas Festas do Cristo do Porriño

Con motivo das Festas do Cristo 2014, a localidade alágase estes días de diferentes propostas musicais, culturais e deportivas dirixidas a todos os veciños.

Así, o fútbol e a música serán mañá os protagonistas da xornada. En primeiro lugar, ás 20:00 horas a praza Arquitecto Antonio Palacios acollerá o concerto de música folk de Ollos Pretos de Pereiras, unha agrupación de recente creación que se consolidou xa como un grupo de música popular e tradicional referente na nosa comarca.

Xa pola noite, a rúa Domingo Bueno acollerá ás 23:00 horas, a primeira das verbenas destas Festas do Cristo 2014 a cargo da Orquestra Panorama

Fase Final V Torneo de Fútbol Festas do Cristo

Por outra banda,mañá ás 20:00 h terá lugar a final do V Torneo de Fútbol Festas do Cristo, no Complexo Deportivo de Lourambal. O Porriño Industrial enfrontarase ao Pontellas no partido que determinará ao campión deste ano.