Sométense a información pública as tarifas de taxi de aplicación en Riveira

O Boletín Oficial da Provincia no día de hoxe anuncia a aprobación das tarifas de aplicación aos servizos urbanos de taxi para o ano 2014, conforme ao disposto no artigo 40 da Lei 4/2013 de transporte público de persoas en vehículos de turismo de Galicia.

Neste senso, o pleno da Corporación na súa sesión celebrada o 30 de xuño acordou por unanimidade as seguintes tarifas (con IVE incluído):

– Baixada de bandeira (que inclúe un percorrido de 1.750 metros ou espera equivalente): 3,50 euros

– Quilómetro percorrido: 1 euro

– Hora de espera: 15 euros.

Ademais, incorpóranse como suplementos:

– Ocupación de maleteiro (excepto cadeiras de minusválidos e nenos): 0,75 euros

– Traslado de cans (excepto lazarillos): 1 euro

Estas contías son sometidas ao trámite de información pública e audiencia de interesados polo prazo de 30 días a efectos de presentación de reclamacións e suxestións, quedando definitivamente aprobadas en caso de non haber ningunha.